Hemsereka KCDyî û parlamentera HDPyî Leyla Guvena ke semedê wedartişê Tecrîdê serê Rayberê Şarê Kurdî Abdullah Ocalanî 79 rojî yo grevê vêşanîye de ya roniştişê dawaya xo yê ewro de serbest  ameye veradayene.

Dawaya Leyla Guvene ke bi îddîayanê ‘ronayîş û îdarekerdişê rêxistina bi silehî‘ û ‘Propagandayê rêxistine ‘ ameyebî akerdene roniştişê 5. ewro Mehkemaya Cezaya Girane ya 9. ya Amedî de ame viraştene. Guvene bi avûkatanê xo tewrê ci bîye. Dozgerî dewamê tepiştişî waşt la mehkema bi şertê qedexekerdişê vejîyayîşê teberê welatî, qerarê serbest veradayîşî da.