Lîmasol û Dortmund de vîrardişê şehîdan

Şaristanê Lîmasolî yê Qibrisî de û Dortmundî yê Almanya de şehîdî amey vîrardene.

Şaristanê Lîmasolî yê Qibrisî de şehîdan ra Gernas Cûdî, Serhat Qamişlo û Xelîl Abdo, şaristanê Dortmundî yê Almanya de zî endamê HPCyî Hozan Elî ame vîrardene.

LÎMASOL

Şaristanê Lîmasolî yê Qibrisî de seba şehîd Gernas Cudi (Dara Huso) şehîd Serhat Qamişlo (Serhat Azîz) û şehîd Xalil Abdo (Ebu Saîh Tilîranî) tazîye amî kerdene û vîrardiş ame organîzekerdene.

Vîrardişo ke Merkezê Kulturê Kurdan ê Theofîlosî de ame organîzekerdene de her game slogana “Şehîdî nêmirenê” amî eştene, merdimanê şehîdan zî qiseykerdişî kerdî. Qiseykerdişan ra dima tazîyeyî ameyî qebûlkerdene.

DORTMUND

Şaristanê Dortmundî yê Almanya de zî endamê HPCyî Hozan Elî ame vîrardene.

Vîrardişo ke xeylî kesî tewrê ci bîyî de birayê Elîyî, merdimê şehîdan û temsîlkara YJK-Eyî qisey kerd. Birayê Elîyî vat, “Mucadeleyo ke yeno dayene meseleyêkê rûmetî yo û ganî ma welatê xo biparêzê.”