Rayraşîyayîşo Derg ê seba azadîya Rayberê Şarê Kurdî Abdullah Ocalanî Baselî ra ver bi Strasbourgî dewam keno. 13 welatan ra qasê 200 enternasyonalîstî tewrê rayraşîyayîşî bîyî.

Çalakwananê Rayraşîyayîşê Dergî yê Basel-Strasbourgî ra Lori Kallonfai ANFyî rê qisey kerd.

Kollonfai pare kerd ke wexto ke aye Almanya de zanîngeh wendêne şarê kurdî û têgêrayîşê azadîye şinasnayê û vat: ''Têgêrayîşê kurdan zaf tesîrê mi kerd. Bi taybetî kulturê înan ê xoverdayîşî. Ocalan derheqê kulturê xoverdayîşî de zaf ercnayîşî kerdê. Mi felsefeya Ocalanî wende û zaf pê tesîr bîya. Ocalanî kulturê xoverdayîşî musna ma.

Ma nika seba azadîya Ocalanî Rayraşîyayîşê Dergî kenê. Zaf girîng o ke cayanê dinya yê cîyayan ra enternasyonalîstî tewrê nê rayraşîyayîşî benê. Ma azadîya Ocalanî wazenê. Qasê hîrê serrî yo Abdullah Ocalanî ra xeberêke nêna girewtene û no zî ma qerqilneno. Coka şiknayîşê tecrîdî seba ma manadar o. Seba şiknayîşê tecrîdî û caardişê azadîya Ocalanî ganî ma bêveng nêmanê.''