Bajarê Lozanî yê Swîsre de bi wesîleya serrgêra Pêkerdişê Lozanî yo ke Kurdîstan kerd çar leteyî konferanas ame organîzekerdene. Konferanso ke Qesra Rumine ya ke tede pêkerdiş ame îmzakerdene de ame organîzekerdene, çar leteyanê Kurdîstanî û dîaspora ra  267 kesî tewrê ci bîyî.

Konferansê ke bi rêzgirewtişî dest pêkerd Hemserekê Kongreya Neteweyîye ya Kurdîstanî (KNK) Ahmet Karamusî şar selam kerd. Badê sînevîzyonê derheqê Pêkerdişê Lozanî de qiseykerdişo verên hetê Îdareyê Xoserî yê Rojawanî ra ame kerdene û ame vatene ke seba ke Lozano newe mebo ganî şorişê Rojawanî bêro wayîrvejîyayene.

Hemserekê Kongra-Gelî Remzî Kartalî bale ante muhîmîya konferansî ser û vat: Kurdî hinda kurdê seserre verî nîyê.

TJK-E ra Zozanê Serhat zî ard ziwan ke ê sey cinîyan ê kurdan hinda îşxal û îxanetî qebul nêkenê û vat: ''Na heyate de Kurdîstan ame çar letekerdene.  Ma ewro kurdê çar leteyan tîya ameyî têhet. Wa hinda kurdî pê bombayan memirê.''