Vera hêrişanê îşxalî yê dewleta tirke û çeteyanê ci yê SMOyî yê serê Rojawanî sînorê Kobanê yê Pirsûsî de roja çarine de çalakîya nobete dewam kena.

Beşdaranê nobeta Pirsûsî ra Endamê Meclîsê Ciwanan ê DEM Partî Huseyîn Aslanî pare kerd ke Rojawan û Kobanê bi xoverdayîşê vera hêrişanê DAÎŞî bîyê merkezê girîngî. Aslanî vat: ''Senî ke ma Kobanê azad kerde, bi heman ruhî ma do Rojawanî vera SMOyî şer bikerê û Kobanê azad bikerê. Ez venga ciwananê kurdan, şorişgêranê enternasyonalîstan dana ke vera şerî haştîye û azadîye bîyarê ca.''

Hemsereka DBPyî ya qezaya Şahînbeyî ya Dîlokî Hatîce Sezgîn vat: ''Ma bi zerrîya xo hetê Rojawanî de yê. Ez tîya ra venga şaran dana ke bêrê ma pîya haştîye, wayûbiratîye, têdûştîye û cuye bipawê. Tirkîya hetêkî rê vana 'çareserîye', hetê bînî ra seba Rojawanî vana 'Ez do biqedîna.' Ganî destkewteyê Rojawanî bipawîyê. Rojawan seba dinya modelêk o.''