Namzeda Hemşaredarîya Êlihî ya DEM Partî Gulîstane Sonuk ANFyî rê qisey kerd.

Gulîstane pare kerd ke ê do Êlih de keyeyêkî nêverdê ke zîyaret nêkerê û vat: ''Sere de cinî û ciwanî ma do pêro beşanê komelî yê ke çin hesibîyayê goşdarî bikerê, meseleyan nîqaş bikerê û metodanê çareserîye peyda  bikerê.''

Gulîstane vist vîrî ke mabênê serranê 90an û 2000an de Êlih sey şaristanêkê şîdet û kiştişê cinîyan zanîyayêne û vat: ''Bi îdareyanê herêmîyan ê demokratîkan Êlih bi şaristanê cinîyan û têkoşînê cinîyan asta serkêşîye de dewam kerd. La 2016 ra nata şaristanê ma bi îşxalê qeyûman ame xespkerdene û destkewteyê cinîyan raştê hêrişan ameyî. Qeyûmî ameyî nêameyî înan qetî şarî ra xizmet nêkerd. Qeyûmî teyna seba rant û mebfaetaê terefgîranê xo xebitîyenê. 

Ma do şaredarîyanê xo apey bigêrê û ancî bivisnê binê xizmetê şarî. Ma do ancî xizmetê psîkolojîkî bidê cinîyan ê mexdûranê şîdetî. Ma do her warî de temsîlîya têdûştîye bikerê. Ma do bi pêşnîyazanê cinîyan meseleyan çareser bikerê, her ca de rêxistînîya cinîyan bikerê.''