Amed de o 13ê teşrîna verêne (siba) bi şîarê ''Ma vera komployî xover danê, semedê azadîye Amed de yenê têhet'' do mîtîng bêro kerdene. Mîtîngo ke serkêşîya Platformê Dezgehanê Demokratîkan de do bêro kerdene hazirîye ci dewam kenê. Hetê bînî ra semedê tewrbîyayîşê mîtîngî yeno vengdayene.

Hemsereka Pêroyî ya DBPyî Çîgdeme Kiliçguna ke ANFyî rê komplo  û tecrîdê Îmraliyî erjna nê vatî: ''Komplo vera Perspektîvê Rojhelatê Mîyanênî yo Demokratîkî yê Birêz Ocalanî ame kerdene ke pîyaciwîyayîşê heme şaran îfade keno.  La hedefê komplokaran nêame caardene. Birêz Ocalan bi xo vano no komplo ame betalkerdene. Bi tecrîdê Îmraliyî yeno waştene ke komplo bibo temam.  Îqîtdar keno ke bi tecrîdê Îmraliyî heme muxalîfan bikero bêveng. Yanî wedaritişê tecrîdî têna semedê azadîya kurdan nê semedê azadîya heme şaranê Tirkîyan muhîm o. Coka mîtîngê Amedî zaf muhîm a. Ma wazenê mîtîng de vengê hemparî berz bikerê û ramojnê ke çareserîye mumkun a.''