Wekîlê Partîya Çepe ya Swêdî û Vervatoxê Polîtîkaya Teberî Hakan Svenneligî pare kerd ke qefilîyayîşê dosyaya Olof Palmeyî ra dima ê do lîsteya terorî ra vetişê PKKyî bivisnê rojdemê Swêd û Yewîya Ewropa.
Vervatoxê Polîtîkaya Teberî ya Partîya Çeoe Hakan Svenneligî û Ahmet Ulusoyo ke kiştişê Palmayî ra bi serran bi mexdûrê dewleta Swêdî ANFyî rê qisey kerd.
Svenneligî vat: ''Kişîyayîşê Palmeyî ra dima kurdan zaf teda dî. Kurdî wazenê Swêd înan ra uzrê xo biwazo û PKK lîsteya terorî ra bêro vetene. Nê waştişî mehqûl ê. Çunke xeylêk keyeyî nê semedî ra hetê polîsan û dezgehanê bînan ra ameyî teqîbkerdene. Ma verî zî seba ke PKK lîsteya terorî ra bêra vetene muracat kerd. Tirkîya zî na lîste kena bahaneya terorîzekerdişê PKKyî. Ganî peynîya naye bêra girewtene. Coka do na babete bêrê rojdemê Ewropa û ê Swêdî zî.''
Ahmet Ulusoyî zî wina qisey kerd: ''Xîret ame kerdene ke kişîyayîşê Palmeyî bierzîto milê kurdan. Şexsê ma de morê terorîzmî dîya PKKyî ro. Ma 12 serrî Helsinborg de bi 'terorîstîye' ameyî sûcdarkerdene. Heqê ma yê roniştişî ma ra gêrîya. La ma rê qedexe bi ke ma vejîyê teberê welatî. Telefonê ma ameyêne teqîbkerdene. Serra 1985î de seba ke nê kerdişan şermezar bikera mi dest pê grevê vêşanîye kerd. Naye ra dima nêrazîbîyayîşê vera hukmatî zêdîyayî. Wezîra Koçberîye Anita Gradin neçare mend ke îstîfa bikerê. Dewleta tirke serra 1992î de qedexetê teberî wedarit. Ez hêverî şîya Danîmarka û dima şîya Almanya. Ez Almanya de tepişîyaya û dima reyna agêraya Danîmarka. Ma vejîyê teberî zî ameyêne teqîbkerdene. Ma do vera na tedya do muracatê huqûqî bikerê. Girîng o ke nê tedayî bibê rojdem û waştişê ma yê tazmînatî qebul bibo.''
