Endamê Meclîsê Ciwanan ê HDPyî Lîder Polat 27ê teşrîna verêne de taxa Soganlikî ya qezaya Kartalî ya Îstanbulî de hetê kesan ra ke xo sey polîs şinasna, ame remnayene û  seatan zereyê wesayîtî de ci rê îşkence ame kerdene. Çend rojî verê cû dîmenê remnayîşî eşkera bîyî. 6 mengan de 5 kesî ameyî remnayene, ci rê teda ame kerdene ke bibê ajan.

Lîder Polatî derheqê mesele de ANFyî reyde qisey kerd. Polîtî îfade kerd ke polîsan sey serranê 1990an ci rê vat: ''Ma tîya de to bikişê çew pê nêhesîyeno. Dewlete no wezîfe da ma. Dewlete peyê ma de ya.

Polatî vat: ''4 kesî ez kerda zereyê wesayîtî, kelepçe da destê mi, rîyê mi girewt. Saetêke û nêm ra dima ez vana qey ez kerda zereyê wesayîtê zirxînî û kesê bînî ameyî. Înan mi rê vat: 'Ma to benê cayê kekanê xo, ê se vajê o qayde bikere. Eke ti rehet nêvindere ti do şorî dewa xo. Ez kerda zûr. 3 saetan ez uca de bîya. Mi bi israrî vat ez xebatkarêkê HDPyî ya. Dima saeta 5 de ez berda û Başakşehîr de eşta rayîrî ser. Hacetê min ê şexsîyî hetê xo de berdî. Hetê psîkolojîkî ra serebûtî tesîrê mi kerd. Mi rê vatêne 'Ma do to bêro asayîş.'

Mi rê vat: 'Warê daristanî de sey to bi hezaran kesî estê. Ma tîya de to bikişê çew pê nêhesîyeno.' Serrê 90an vistî mi sere û vat: 'Dewlete no wezîfe da ma, dewlete peyê ma de ya.' ''

Polatî îfade kerd ke MEclîsê Ciwanan ê HDPyî vera fuhuş, dejenerekerdiş û asîmîlasyonî xebatan keno coka polîsî înan ra acîz bîyî. Polatî vat: ''Ma rê gef wanenê û çimanê ma ternenê. Serranê 90an de ma kêm bîyî la nika ma bi mîlyonan ê. Ma karanê xo bi rêxistinbîyayîşî dewam kenê. Na cografya de ters nêmend. Pê kayanê asanan ê pê ciwananê kurdan nêeşkenê.''