Merkezê Teqîbkerdiş û Koordînasyonê Weçînayîşî yê HDPyî bi eşkerayîyêka nuştekîye îfade kerd ke rixmê hêrişanê AKP-MHPyî înan xebatêka weçînayîşî ya serkewte kerda. 

Merkezî vat: ''Hayîya ma pê est a ke şarê ma qerqilîyeno ke wextê weçînayîşan de hîle û kayî bêrê kerdene. Rixmê hîleyanê AKP-MHPyî zî ma do asayîşê weçînayîşan bîyarê ca. Vera pêro provakasyonanê îqtîfarî ma bi baldarî û bi aqlêkê selîmî dı sindoqan terk nêkerê û bipawê. Ma do destûr nêdê ke çew rayêka ma zî bidizno yan zî pûç bikero.

Pêro hîleyê ke beno ke îqtîdar bikero hetê partîya ma ra ameyê ercnayene û tedbîrê lazimî gêrîyayî. Tewr tay 100 hezar zerrîwazê partîye do sindoqan û rayanê ma bipawê. Nînan ra ber 3 hezar avûkatî zî do mudaxeleyê bêusûlîyan bikerê û wezîfedaranê sindoqan reyde bixebitê. 

Ma venga şarê xo danê ke weçînayîşan ra verî û roja weçînayîşan de vera pêro operasyonan û manîpulasyonanê medyaya îqtîdarî û hukmatî hişyar bibo. Ganî şarê ma na babete de eşkerayîyanê Merkezê ma yê Koordînasyonî û eşkerayîyanê ma esas bigêro.

Seba pawitişê rayan ganî şarê ma zî embazanê ma yê wezîfedar û muşahîdan teyna nêverdo. Ma her kesî rê serkewtiş wazenê.''