Ronayoxanê PKKyî ra Sakîne Cansize, temsîlkara KNKyî Fîdan Dogane û Têgêrayîşê Ciwanan ê Kurdan ra Leyla Şaylemeze 9ê Çile ya 2013î paytextê Fransa Parîs de ameyîbî qetilkerdene. Omer Guneyo ke sey kiştoxî amebi tewqîfkerdene, 17 Kanûne ya 2016î de zîndanê Fransa de bi şeklêkê bişikî merdbi.Mergê Guneyî ra dima zaf çîyê zî tarîye de mendî.

Guneyo ke mabênê 2003-2011de eyaletê Bavyera yê Almanya de mîyanê grûbanê faşîstan ê Tirkî de mendebi, Tirkîye waşt ke xo biresno dosyayê ey.

ANF resayî nuşteyên ê ke çend aşmî badê Qirkerdişê Parîsî de mabênê Berlîn û Enqere de ameyî nuştene.

Îdareyê Enqere Almanya ra waşt ke cewabê nê persan bido:

-  Omer Guney hemwelatijê Almanya yo?

-  Tekîlîya Guneyî bi PKK û KCKyî esto ?

-  Guneyî Almanya de perwerdeyê biçekî dîyo?

Almanya cewabê hîrê persan de zî vana ‘Ma nêzanê‘ la yeno zanayene ke Almanya de sicîlê adlî yê Guneyî pir o.