Hêzanê kede û demokrasîyî yê Anqara Rayberê THKP-Cyî Mahîr Çayan û embazê ci yê  ke 49 serrî verê cu Kizildere de ameyî qetilkerdene yad kerdî.

Hêzanê kede û demokrasîyî ke Goristanê Karşiyaka  Çayan serê gorê ci de yad kerd dima ra gorê Ulaş Bardakçiyî zîyaret kerd.

Vîrardiş de fotografê înanê ke Kizildere de ameyî qetilkerdene pankartê ke ser o ci mesajê wayîrvejîyayîşê mîrasê înan ameyî dayene ameyî kiriştene. Serê gorê Çayanî de vilîkî ameyî ronayene û rêz ame girewtene.

Serekê Federasyonê Şorişgêranê 78an Ahmet Telîyî ke vîrardişî de qisey kerd vat: ''Qehremanî badê mergî zî ciwîyenê.''

Wekîlê HDPyî yê Îstanbulî Musa Pîrogluyî zî vat: ''Heta ke hêzê kede û demokrasîyî yê Tirkîya û mucadeleyê azadîye yê şarê kurdî yew mebê şansê ma yê wardayîşê îqtîdarî çîn o. Ganî ma hêzê xo bikerê yew û verê xo akerê. Heme bindestî nayî pawenê. Waştişê înanê ke Kizil dere de ameyî qetilkerdene  zî no bi. Eke ma bibê yew îqtîdar hîna lez yeno rijnayene. O wext ma eşkenê bêrê serê nê goran de vajê ma sozê xo ard ca.''