Milîsanê Azadîya Kurdîstanî (MAK) pare kerd ke qezaya Geverî ya Colemêrgî de û taxa Baglarî ya Êlihî de vera polîsanê tirkan çalakîyî kerdê.

MAKî derheqê babete de na eşkerayîye daye: ''Milîsanê ma 11ê êlule de taxa Kişla ya Geverî de di baskan ra vera polîsan çalakîye kerde. Milîsanê ma dafike naye ro. Netîceya çalakîye de çar îşxalkerî birîndar bîyî. Milîsê ma çalakîye ra dima weş û war şîyî cayanê xo.

Milîsanê ma 11ê êlule de taxa Baglarî ya Êlihî de vera îşxalkeran hêriş kerd. Çalakîye de mabênê polîsanê îşxalkeran û milîsanê ma de pêkewtişî qewimîyayî la milîsê ma weş û war resayî waranê xo.

Nê çalakîyî seba vîrameyîşê Fermandarê ma yê serkêşî yê şehîdî Egîd Civyanî ameyî kerdene. Ma do heta têkoşînê ey ser bivisnê do nêvinderê. Roje roja xeta Zîlane û Egîdan de xoverdayîş o.''