15ê sibate de xeylêk qezayanê Manisa de operasyonê qirkerdişê sîyasîyî ameybî kerdene û 8 endamê Meclîsê Cîwanîye yê HDPyî ameybî destbendkerdene. Nê ciwanan ra 3 kesî vizêr ameyî tepiştene.

Bado ke ciwanî 8 rojî nezaret de mendî vizêr vejîyayî mehkeme. Ciwanî rîyê parekerdişê medyaya sosyale, tewrbîyayîşê çalakîyan û xebetanê HDPyî ra ameyî sûcdarkerdene.

Mehkeme de Zahîr Aslan, Hamza Aslan û Ahmet Aslan bi îdîaya ''endamîye û propagandaya rêxistine'' ameyî tepiştene.  5 ciwanê bînî bi şertê kontrolê edlîyî ameyî veradayene.