Paytextê Fransa Parîs de, Marsîlya de û paytextê Yunanistanî Atîna de Kurdistanij û dostê înan mîyanê çalakîyan de bîyî.

PARÎS

Paytextê Fransa Parîs de çalakîya hîrê rojan ya endamanê "Platformê hemverê tecrîdî de cuye", yê ke wazenê paştî bidê çalakîyanê grevê vêşanîye ke bi serkêşîya hemsereka KCD'yî Leyla Guvene dest pêkerdîbî dewam kena. Endamê "Platformê hemverê tecrîdî de cuye" yê Fransa Parîs de Meydanê Republique de çadire ronaye û standêk ke derheqê tecrîdê serê Ocalanî de yeno bicaardene û grevanê vêşanîye de hayîdarîyan dano akerd. Endama Platformî Asîye Esra Gudene, veng da koçberanê Kurdistanij û Tirkîyayijan ê ke Fransa de ciwîyenê, waşt ke dormeyê Leyla Guven a ke serewedartişê cinî xurt kerdo de bêrê têhet, xoverdayîşî xurt bikerê, faşîzmî birijnê û tecrîdî bişiknê. Çalakîya ke biroj xeylî serdanî bîyî Têgêrayîşê Ciwanan ê Şorişgêran ê Parîsî zî şîyî serdana ci û bi sloganan paştî daye çalakîye.Çalakîye de bi seyan vilawekî ameyî vilakerdene, sloganê sey "Ma pêro Leyla yê", "Ocalanî rê azadîye" erzîyayî.

MARSÎLYA

Kurdistanijê ke şaristanê Marsîlya yê Fransa de ciwîyenê seba ke bale biancê waştişanê çalakwananê grevê vêşanîye meydanê Vieux-Portî deSaetanê nîmerojî de bi seyan Kurdistanijê ke meydanê Vieux-Portî de ameyî pêser sloganê sey "Biciwîyo xoverdayîşê zîndanan", "Biciwîyo Serek Apo" û "Biciwîyo xoverdayîşê Leyla Guvene" eştî.Çalakîya ke tede dovîzê ke fotograf û waştişê çalakwananê grevê vêşanîye estbî ameyî kiriştene bi deqeyêka rêzgirewtişî dest pêkerde.   Dimayê qiseykerdişan ra çalakîye bi sloganan qedîyaye.

ATÎNA

Paytextê Yunanistanî Atîna de hetê Platformê Yewîya Çalakîye yê Yunanistanî /Tirkîya-Kurdistan ra seba protestokerdişê tecrîdê serê Ocalanî û baleantişê bi çalakîyanê grevê vêşanîye çalakîyêk amî viraştene. Çalakîya ke parkê Exarchionî de amî viraştene bi serkêşîya PKK, MLKP, MKP, DKP, TKP/ML û SYKP'yî amî viraştene. Çalakwananê ke stand akerd, derheqê xoverdayîşanê grevanê vêşanîye de pankart û dovîzî kiriştî. Çalakîya ke tede posterê Ocalanî, beyraqê PKK, KCK, HBDH'yî zî ameyî kiriştene de seba ke bidîyê CPT û Konseya Ewropa îmzayî ameyî arêkerdene. Çalakîya ke tede vilawekî zî ameyî vilakerdene de her game sloganê sey "Biciwîyo xoverdayîşê zîndanan", "Biciwîyo Serek Apo", "Biciwîyo Paştîdayîşo Şorişgêr" û "Tecrîd sûcê merdimîye yo" erzîyayî.

HALLE

Şaristanê Halle yê Almanya de zî tecrîd ame prostestokerdene. Rayraşîyayîşo ke bi seyan kesî tewrê ci bîyî de her game sloganê sey "Biciwîyo xoverdayîşê Leyla Guvene, "Biciwîyo xoverdayîşê zîndanan", "Biciwîyo Serek Apo" û "Cinî, Cuye, Azadîye" erzîyayî.Rayraşîyayîş viraştişê yew mîtîngî ra dima qedîya.