Ciwananê Kurdîstanijan ê Fransa (CKF) û dostanê kurdan seba azadîya Rayberê Şarê Kurdî Abdullah Ocalanî şaristanê Marsilya yê Fransa de rayraşîyayîşêko heybetîn kerd.

Rayraşîyayîş çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de ame kerdene. Rayraşîyayîş de ciwanan şarî rê broşurê serê tecrîdê Îmraliyî vila kerdî.

Peynîya rayraşîyayîşî de Vervatoxê CKFyî yê Marsilya Serhildan Vartoyî qisey kerd. Vartoyî ard ziwan ke vera Rayberê Şarê Kurdî tecrîdêko giran yeno kerdene û ey ra 38 mengî yo xeberêke nêna girewtene. Vartoyî bale ante xoverdayîşê gerîlayan ser zî. Vartoyî venga welatanê Ewropa da ke vera tecrîdî tewirê xo bimojnê.

Çalakîye bi slogananê sey "Bijî Serok Apo", "Bijî berxwedana gerîla" û "Bijî berxwedana zindanan'' qedîyaye.