Şehîdê Qirkerdişê Parisî yê 9ê Çeleyê 2013î û 23yê Kanûne Hamburg û Marsilya de bi rayraşîyayîşan ameyî yadkerdene û ame waştene ke Fransa ganî qirkerdişan roşnî bikera.

Şaristanê Hamburgî yê Almanya de vengdayîşê Meclîsê Cinîyan ê Rojbîne ser o bi deqayêkê rêzgirewtişî rayraşîyayîşî dest pêkerd. Rayraşîyayîş de sloganê sey “Sara Rojbîn Ronahî, jin jiyan azadî”, “Şehîd namirin'' ameyî vatene. Rayraşîyayîş dima vurîya mîtîngî. Mîtîng de qiseykerdişê xo de Selma Irmak waşt ke wa Fransa deynê xo bida kurdan û nê qirkerdişanê Parisî roşnî bikera.

Şaristanê Marsilya yê Fransa de  rayraşîyayîş de fotografê şehîdan ameyî kiriştene û vilawekê bi sernameyê 'Kurdan rê edalet' ameyî vilakerdene.  Vilawekan de ame parekerdene ke Qirkerdişê Parisî hetê îstîxbaratê Tirkîya ra ameyê kerdene. Rayraşîyayîşî ra dima verê Şaredarîya Marsilya de mîtîng ame kerdene. Mîtîng de ame waştene ke wa 'sirê dewlete' yê serê Qirkerdişê Parisî bêro wedaritene. Mîtîng pê slogan û tîlîlîyan qedîya.