Martina Andersona ke endama verêne ya Parlamentoyê Ewropa û Sinn Feinî ya 1970 de aktîvîdta ÎRA bî. Martina Andersona ke 1986 de Britanya de ameye tepiştene 13 serrî zîndan de mende û bi Pêkerdişê Şemeyî Bixeyrî ameye veradayene û Sinn Fein de dest pê sîyasetî kerd.

Martina Andersona ke derheqê felsefe û rewşa tecrîdî û rolê ci yê haştîye yê Rayberê Şarê Kurdî Abdullah Ocalanî de qisey kerd, vist vîrî ke a rewna têkoşînê kurdan reyde eleqedar a û nê vatî:

“Çend hewteyê cuwa ver ez tewrê konferansêk bîya ke derheqê tepişteyan ê kurdan de bî. Konferans de zafin qala fîkranê Abdullah Ocalanî kerd. Cinîyan ê kurdan qala Rayberê xo kerd ke semedê înan çi îfade keno. Fîkrê Ocalanî komelê kurdan ra vejîyayî her hetî ra vila bîyî û xeylêk kesî girewtî binê tesîrê xo. Mi hema pêro xebatê ey nêwendî la ez wazena hemeyan biwanî. Ez zî zîndan de menda. Ma pêro fam kenê ke zîndan de tecrîd û hepsê hucre senî dano hîskerdene la qet çew sey Abdullah Ocalanî tecrîd nêciwîya.

Abdullah Ocalan seba ke vera sîstemê kapîtalîstî alternatîfêk teqdîm kerd ame hepskerdene. Înanê ke o eşt zîndan tira zaf tersenê. Înan vat qey pê hepskerdişî eşkenê verê fîkranê ci bîgêrê la ewro fîkrê ey ke îlham danê şarî û komelê kurdan ra resenê zaf duran. O Rayberêko zaf cîya yo. Binê tecrîdê giranî de yo la fîkrê ci resenê hetê dinya û şaran ser o tesîr kenê. Şarê kurdî ganî Rayberê xo ra tim îlham bigêro û çirey têkoşînî ra peyser game meerzo ke bieşko qederê xo tayîn bikero.”