Maya Haştîye Hanse Buluta ke perey amebî destbendkerdene bi îdîaya 'hetkarî û paştdayîşê terorî' cezaya zîndanî ya 2 serran dîyaye ci û erşawîyaye Zîndanê Şakranî.

Maya Haştîye Hanse Buluta 64 serre perey sereştişê keyeyan de Îzmîr de amebî destbendkerdene. Polîsan sebebê destbendkerdişî nêvatbi.

Kênaya dayîke Hanse Mulkîye Bulut muracatê ÎHDyî kerd û sebebê destbendkerdişî musaye. 

Mulkîye Bulut îfade kerd ke dadîya ci de nêweşîyê cidîyî estê û vat: ''Dadîya mi de şeker, fitiq û tansîyon estê. Ganî cade a bêra veradayene.''