Mayê Şemeyî hewteyê 952. yê çalakîya xo de hêna waşt  semedê persayîşê aqibetê merdimanê xo yê ke bi destê dewlete ameyî vînîkerdene, Meydanê Galatasarayî de eşkerayîye bidê. 

Mayê ke 11 hewteyo ke pê kelemçeyanê peykîyan yenê destbendkerdene no hewte zî bi vilikan ver bi Meydanê Galatasarayî rayra şîyî. Pa Mayanê Şemeyî Hemsereka Komeleya Heqanê Merdiman Erene Keskîn û xeylêk pawitoxê heqî zî tewrê çalakîye bîyî. Mayî û kesê bînî ke gerîyayî binê ablûqa hêna ameyî destbendkerdene.