Mayanê Şemeyî û pawitoxanê heqanê merdiman waşt ke hewteyê 950. de Meydanê Galatasarayî de çalakîya xo bikerê. Wekîla Partîya Çep a Keske Burcugule Çubuk û Wekîlê HDPyî yê verênî Musa Pîroglu zî paştî daye girseyî. La polîsanê tirkan reyde girse asteng kerd.

Polîsan narey maçê UEFA kerd bahane û destûr nêda çalakîye û eşkerayîye. Polîsan dima hêrişê girseyî kerd û tewr tay 20 kesî destbend kerdî. 

Hemwelatîyêkî nêzdîyê meydanî de vera polîsan nêrazîbîyayîşê xo mojna û vat: ''Mayê Şemeyî 28 serrî yo tîya de aqîbetê domananê xo persenê. 9 hewteyî yenê destbendkerdene.'' Polîsan no kes zî destbend kerd.

Nameyê destbendkerdeyan wina yê: Besna Tosun, Maside Ocak, Hasan Karakoç, Merîç Eyuboglû, Cuneyt Yilmaz, Leman Yurtsever, Alî Tosûn, Alî Ocak, Selvî Gulmez, Hanîfe Yildiz, Mîkaîl Kirbayir, Îrfan Bîlgîn, Hunkar Yûrtsever, Sebla Arcan, Hatîce Korkmaz, Îsmaîl Yucel, Meryem Bars, Îkbal Eren, Mukaddes Şamîloglû, Aylîn Tekîner.