Çalakîya nobete ya merdimanê xoverdayoxanê Zîndanê Gebze rixmê heme hêrişan yena domnayene. Amed de semedê baleantişê serê tecrîdê serê Rayberê Şarê Kurdî Abdullah Ocalanî grevê vêşanîye ame destpêkerdene.

Amed De Çalakîya Grevê Vêşanîye

Amed de merdimanê tepişteyan Salona Semînerî ya Baroya Amedî de dest bi grevê vêşanîye yê 3 rojan kerd.  Rîyê çalakîya ra dormeyê banê baro hetê polîsan re gêrîya binê ablûqa. Merdima tepişteyan û endama Meclîsê Mayanê Haştîye Nezahat Teke da zanayene ke ê semedê vergirewtişê  mergê qijanê xo dest bi çalakîye kerd  û va: ‘‘Leyla Guvene 154 rojî yo ke grevê vêşanîye de ya û kewta merhaleya mergî. Ma zî seba ke destur medê qijê ma bimerî tîya yê. Ma vizêr şîyî qijê xo dîyî, şew hewn  çimanê ma nêkeweno. Eke merg hewce keno ma dayîkî mirenê qijê ma wa memirê. Xo ra heta nika 7 meyîtî zîndanan ra vejîyayî û destur nêdîya ke keyeyî qijanê xo goreyê îtîqat û waştişê xo defin bikerê. Ê ke goş qijanê ma nêdanê bêwîjdan ê.Tena waştişê ma  o yo ke wa qijê ma memirê. Wa vengê qijanê ma bêro eşnawetene û waştişê înan bêro ca.‘‘

Hetkara serekê Baro Gazal Bayrame zî semedê wedartişê tecrîdê serê Ocalanî veng da hukmatî û waşt ke berpirsîyarîya xo bica bîyaro.

Gebze De Çalakîya Roniştişî

Hetê bînî ra Gebze de zî merdimê xoverdayoxan saetanê rewî yê serê sibayî de vernîya zîndanî de ameyî têhet. Çalakîya ke 3 saet ameye domnayene, polîsan mudaxale kerd û çalakîwanî vila kerdî.. Keyeyî nizdê zîndanî de yewna kuçe de dest bi roniştişî kerd.