Grevê vêşanîye yo ke Merkezê Cimatê Kurdî yê Demokratîkî yê Bernî de dewam keno xeylî Kurdistanijî û dostê înan şiyî serdana ci. Grevê vêşanîye yo ke ciwan û cinîyî serkêşîya ci kenê moralî berz ê, govende yena gêrayene û deyîrî yenê kerdene.

Çalakwanan ard ziwan ke binê tu şertêk de ê do nêmûsê tecrîdê Îmraliyî û veng da Kurdistanijê ke Ewropa de yê û dostanê înan ke xoverdayîşî hîna bikerê xurt.

Çalakwananê grevê vêşanîye ra Îsmîhan Oke û Zahîde Hussene hîsê xo wina ardî ziwan:

Îsmîhan Oke: Ma sey mayî ne dewaya rayberîya xo ra ne zî dewaya domananê xo ra fek vera danê. Seba nê çi destê ma ra bêro ma do bikerê. Ez tîya ra domananê ma yê ke koyan de yê silam kena. Wext wextê roniştişî nêyo. Ganî Ewropa zî çîyo ke keweno milê ci bica biyaro û paştî nêdo Erdoganê dîktatorî.

Zahîde Hussene: Dewleta Tirkî ewro nêvana cinî, kokim yan zî doman her kesî erzena zîndan. Serê rayberîya ma de tecrîd esto, Leyla Guvene zî mengêk ra vêşî yo ke grevê vêşanîye de ya. Ma ewro seba ke edalet wazenê kewtê grevê vêşanîye. Mayê Kurdî do seba rayberîya xo fek mucadeleyî ra vera nêdê.

Domananê ma hemvrê DAÎŞî de şer kerd û merdimayî pawite, la ewro Ewropaya ke ma a pawite bi dişmenanê Kurdan dir hemkarî kena. Ma nê qebûl nêkenê. Seba rayberîya ma çi lazim o ma do bikerê.

Maye Zahîde ya Efrînije seba ke bale bianco halê domanan ser şîîrêka kilmeke wende.