Kurdî û dostê înan ê ke medyaya dîjîtele de ameyî têhet seba ke hêrişê îşxalî, qirkerdiş û binpaykerdişê heqan ê vera kurdan dinya rê bidê eşnawitene û bikerê rojdem, Meclîsê Medyaya Dîjîtal a Kurdîstanî îlan kerd.

Meclîsê Medyaya Dîjîtal a Kurdîstanî ke bi eşkerayîyêke ronayîşê xo da eşnawitene ard ziwan ke înan têkoşînê azadîye de mewzîyêka newî înşa kerde û vat: ''Ma do heme platformanê medyaya dîjîtale de têkoşînê azadîye de vera faşîzmî û kolonyalîzma îşxalkere kanalêkê neweyî yê têkoşînî a bikerê. Ma do waştişê cuya azade ya bi statuyî yê şarê kurdî bi vengê berzî bîyarê ziwan. Meclîsê ma sîmgeyê yewbîyayîşê şaranê Rojhelatê Mîyanên o. Têgêrayîşê Azadîye yo ke bi des serran o vera kolonyalîzmî û faşîzmî şer keno, ma vengê ci yê medyaya dîjîtale yê. Têkoşîno ke semedê azadîya Vakur, Başûr û Rojhilatî yeno dayene ma vervatoxê ci yê medayaya dîjîtale yê. Şorişê Rojawanî û paradîgmaya Rayberê Şaran Abdullah Ocalanî do rayîrê meclîsê ma roşn bikero û hêz bido ma. Meclîsê  ma vera şîdet û tecawuzî yê vera cinîyan adresê têkoşînî yê medyaya dîjîtale yo. Ma do pîya bi heme şaranê dinya yê ke vera neheqîye sere wedaranê têkoşîn bikerê û pirdêko xurt ê paştdayîşî înşa bikerê.  Kam ke wazeno medyaya dîjîtale biaçarno platformê xoverdayîşî wa mecîs de cayê xo bîgiro.''