Federasyonê Koomeleyanê Paştdayîşê bi Keyeyanê Tepişteyan û Hukmwerdeyan (MED TUHAD-FED) kongreya xo ya 1. Tesîsanê Demîrokî yê qezaya Yenîşehîrî yê Amedî de kerde. Endamê Têgêrayîşê Cinîyan ê Azadan (TJA), îdarekar û endamê Partîya Herêman ê Demokratîkan (DBP), Wekîla HDPyî ya Amedî Remzîye Tosun, Meclîsê Mayanê Haştîye û temsîlkarê rêxistinanê komelê sivîlî tewrê konre bîyî.

Deqayêkê rêzgirewtişî ra dima pê sloganê 'Biciwîyo xoverdayîşê zîndanan' kongre dest pêkerde. Dadîya Yakur Eryilmazî verî qisey kerd û venga her kesî da ke wa wayîrê grevê vêşanîye vejîyo.

Dima Remzîye Tosun qisey kerd û bale ante hêrişanê nîjadperestan ê vera kurdan ser. Remzîye Tosun vat: ''Nîjadperestî rayîran de nasnameyan kontrol kenê û gêrenê kurdan ke lînç bikerê. Cenazaya Agît Îpekî ra dima cenazaya Mahsum Aslanî zî pê kargoyî erşawîyaye. Ma nê kerdişan qebul nêkenê û pê têkoşînê xo verê hêrişan do bigêrê. Tepişteyan ser o tecrîd û tedayê giranî estê. Ganî ma wayîrê grevê vêşanîye vejîyê. Eke tecrîd biqedo, Pcalan azad bibo komel eşkeno nefesêkê rehetî bigêro. Pê fikr û felsefeya Ocalanî her çi do çare bibo.''

Kongre de Emîne Kaya û Ahmed Dogan sey hemserekê neweyî yê MED TUHAD-FEDî ameyî weçînayene.