Roniştişê  dewaya hemsereka KCDyî û parlamentera HDPyî ya Colemêrgî Leyla Guvene Mehkemaya Cazaya Girane ya 9. ya Amedî ame viraştene.

Roniştişo ke Guvena ke 49 rojî yo vera tecrîdî girevê vêşanîye yê bêdem-bêagêrayîşî de ya tewrê ci  nêbî, hemsereka Pêroyî ya HDPyî Pervîn Buldane, hemserekê KCDyî Berdan Ozturk, Hemvatoxê HDKyî  Gulîstan Kiliç Koçyigite û Onur Hamzaoglu, Hemserekê ÎHDyî  Ozturk  Turkdogan, hemserekê DBPyî Mehmet Arslan û xeylî parlamenterê HDPyî, aktîvîstê TJAyî û qicê Guvene tewrê ci bîyî.

Ame dîyayene ke serekê mehkema yo ke cuwa ver qerarê tehlîyekerdişê Guvene dabi ameyo bedilnayene.

Avukate Rehan Yalçindage vat ke dosyayî huquqî nê sîyasî yê û bi naye yeno waştene ke vernîya sîyasetê Kurdan bêro birnayene.

Yalçindage bale ante ke  parlamenterê CHPyî Enîs Berberoglu ameyo tehlîyekerdene û vat ke tehlîyenêkerdişê Guvene nîno qebûlkerdene. Ma do muracatê MHMEyî bikero.

Heyetê mehkema bi îdîaya ‘‘şikê sucê bihêzî esto‘‘ qerarê dewamê tepiştişê Guvene girewt û dewa 25ê Çile rê ameye peydeştene.