Têkoşînêko bîn ê kurdan warê huqûqî de vera polîtîkaya krîmînalîzekerdişî ya Almanya ser kewt. 

7ê teşrîna verêne ya 2017î de şaristanê Kasselî yê Almanya de rayraşîyayîşêk de kurdan alayê YBŞyî akerdbî. Rixmo ke alaya YBŞyî mîyanê lîsteya 'alayan ê qedexekerdeyan' a Wezaretê Karanê Zereyî ya Almanya de nîya  polîsan nêverdabi ke alayî bikirişîyê. Na astengîya keyfî ameye berdene bi mehkeme.

Mehkemeya Îdarî ya Kasselî hewce nêdî ke roniştişêk rona û 5ê çeleyê 2020î de bire daye ke tewirê polîsan neheq o û têna yê YBŞyî nê alaya YPGyî zî qedexe nîya.

Avûkatê kurdan Sven Adamî derheqê bire de qisey kerd û vat: ''Qedexeyê polîsan cara bêmana bi. Hewce nêkerdêne ke hukmkerdişêko winasên zî bibo.''