Mehkemeya Qanûnê Bingeyî îdîanameyê HDPyî îade kerd
Mehkemeya Qanûnê Bingeyî cipêrsayîşo verên ê dewaya qefilnayîşê HDPyî ya ke pê destê îqtîdarî ameye akerdene de qerarê îadekerdişê îdîanameyî girewt.
Serdozgerê Komare yê Mehkemeya Berze Bekîr Şahînî semedê qefilnayîşê Partîya Demokratîke ya Şaran (HDP) Mehkemeya Qanûnê Bingeyî de dewa akerdebî.
Cipêrsayîşo verên ê dewa kombîyayîşê rojdemî yê Heyetê Pêroyî yê Mehkemeya Qanûnê Bingeyî de kerdene.
Heyetê Pêroyî îdîaneme de kêmayîyê usulî tespît kerdî û seba ke nê bêrê temamkerdene muracat Mehmkemeya Berze rê îade kerd.
Badê temamkerdişê kêmîyan do newe ra cipêrsayîş bêro kerdene û Heyetê Pêroyî reyna bêro têhet û derheqê îdîanameyî de qerar bido.
