Qerarê beratî yê Dewaya JÎTEMî ya Anqara ya rêxistina sûcî ke hetê dewleta tirke ra ameye ronayene, ame xeripnayene. Mehmet Agar û versûcê bînî do newe ra  bêrê muhakemekerdene.

Dewa seba ke Anaqara û dormeyê ci de serranê 1993-1996î de 19 kesî bizorî ameyî vînîkerdene û înfazkerdene ameyebî akerdene. Dewaya ke sey Dewaya JÎTEMî ya Anqara yena zanayene de qerarê beratî amebi dayene. 5ê nîsane de Mehkemeya Edlîye ya Herêma Anqara qerar xeribna û qerarê newe ra muhakemekerdişî yê Wezîrê Karanê Zereyî yê verênî Mehmet Agar û versûcanê bînan girewt.

Dosya de kiştişê Namik Erdogan, Metîn Vural, Recep Kuzucu, Behçet Cantruk, Savaş Buldan, Haci Karay, Adanan Yildirim, Ismaîl Karaalioglu, Yusuf Ekîncî, Omer Lutfî Topal, Hikmek Babataş, Medet Serhat, Feyzî Aslan, Lazem Esmaeili (Îranij), Asker Smitko (Îranij), Tarik Umît, Salih Aslan û Faîk Candan estê.