Îdarekarê Weşanê Pêroyî yê Tele1î Merdan Yanardago ke seba ke tecrîdê serê Rayberê Şarê Kurdî Abdullah Ocalanî rexne kerd, amebi destbendkerdene, ame tepiştene.

Merdan Yanardag 26ê hezîrane de badê programî ke tede qala tecrîdê Îmraliyî kerde, bi îdîayanê “wasifnayîşê sûc û sûcdarî” û “propagandaya rêxistina terorî” amebi destbendkerdene. 

Yanardag Edlîyeya Îstanbulî de bi îdîayanê “wasifnayîşê sûc û sûcdarî” û “propagandaya rêxistina terorî” îfade da. Yanardago ke bi hetê serdozgerîye ra bi waştişê tepiştişî sewqê mehkeme bi, mehkeme de ame tepiştene.