Dîya zanayene ke keyeyê tepişteyan 5ê gulana 2023yî de seba zîyaretî şîyê Zîndanê Kiriklarî yê Îzmîrî û tîya de keyeyê raştê cigêrayîşê rûtî û tacîzî ameyê. Tepişteyan Îshak Deman, Salîh Golyar, Savaş Altûn, Samî Ozturk û Velat Taşî Komeleya Heqanê Merdiman (ÎHD) a Îzmîrî rê mektubêk şawit û bale ante çîyo ke ameyo sereyê keyeyanê înan ser. 

Tepişteyan mektuba xo de wina vat: ''Zîndan de keyeyê ma 5ê gulane de raştê cigêrayîşê rûtî ameyê. Ferdê keyeyanê ma dima zî raştê tacîzî ameyî. Oyo ke nê kerdişan ano ca Mudirê Zîndanî Îbrahîm Yucesoy o. Bi nê kerdişan yeno armanckerdene ke keyeyê ma tim bêrê tacîzkerdene û zîndan bibo kampa komkerdişî. Keyeyê ma çend reyî raştê nê kerdişan ameybî. Seba ke ma vera nê hêrişan tewir mojnenê raştê ceza û tehqîqatan yenê.''

Tepişteyan mektube de waşt ke vera îşkenceyê cigêrayîşê rûtî her kes vengê xo vejo.''