HDPyî Mersîn de dest pê 'Kombîyayîşê Nan û Karî' kerd ke 3 mengî yo dewam keno. Hetkarê Hemserekanê Pêroyîyan ê HDPyî yê Komîsyonê Ekonomî ra Berpirsîyar Garo Paylan, Hetkarê Hemserekanê Pêroyîyan ê HDPyî yê Komîsyonê Kede ra Berpirsîyar Şazîye Kose, Komîsyonê Ekolojî ra Berpirsîyar Nacî Sonmez, Hemvervatoxa Komîsyonê Ekolojî yê HDPyî Menekşe Kizildere, Hemvervatoxê Komîsyonê Polîtîkayanê Weşîye û Komelî Samet Menguç, Wekîlê HDPyî Serpîl Kemalbey, Erol Katircioglu, Necdet Îpekyuz û Ridvan Turan beşdarê kombîyayîşî bîyî.

Menekşe Kizildere kombîyayîş de qisey kerd û îfade kerd ke ê do meseleyanê Mersînî goşdarî bikerê û meseleyanê ci Meclîs de çareser bikerê.

Menekşe ard ziwan ke pandemî ra welat de krîzêko pîl esto û merdimî nêeşkenê hewcedarîyê xo yê bingeyî peyda bikerê.

Necdet Îpekyuzî zî da zanayene ke budçeyê şarî dîyeno sermaye bi taybetî pandemî de şar bîyo xizanêr û HDP do meseleyan çareser bikero.  Îpekyuzî bale ante Santralê Nukleerî yê Mersînî ser û vat: ''Ganî no santral wedarîyo. Santralî seba weşîye û ekolojî zerar ê. ''

Heyetê HDPyî şaristan de do zîyaretanê xo dewam bikero.