Endamanê Meclîsê Ciwanan ê HDP’yî yê Mersînî serrgêra komploya mîyanneteweyîye de semedê protestokerdişê tecrîdî û silamkerdişê çalakîya Leyla Guvene ya ke vera tecrîdê serê Rayberê Şarê Kurdî Abdullah Ocalanî roja 101. de yena domnayene, çalakîyêk viraşte.

Ciwanan mehleya Çayî ya qezaya Akdenîzî de dêsanê kuçeyan de mesajê sey ‘Grevê vêşanîye 101‘, Biciwîyo Rayber Apo‘, Wa peynîya tecrîdî bêro‘ û ‘Leyla Guvene anorê ma ya‘ nuştî û tecrîd û komplo şermezar kerdî.

Edene de zî yew grûba ciwanan mehleyanê Gulbahçe û Yenîakkapi yê qezaya Seyhanî de pankarta ke ser o ‘Ma komploya mîyanneteweyîye ya 15’ê Sibate şermezar kenî. DGH‘ nuştebi aliqnaye û bi slogananê Ocalan û PKK’yî tecrîd û komplo şermezar kerdî.