Partîya Demokratîke ya Şaran (HD) û Partîya Herêman ê Demokratîkan (DBP) bi wesîleya 1ê Gulane eşkerayîye nuştekîyî dayî.

Eşkerayîya ke hetê Berpirsîyara Komîsyonê Kede ya HDPyî Şazîye Kose ra ameye dayene de verî şehîdê 1ê Gulane ameyî yadkerdene û  nê ameyî vatene: ''Îktîdarê AKP-MHPyî ewro metodanê 44 serran verê cu bi barîkerdişî şuxulneno. Tradîsyonê eciqnayîş û qirkerdişî yê vera karkeran, kedkaran, cinîyan, kurdan û şaranê bînanê ê ke na herre ciwîyenê bi destê îqtîdarî dewam keno. Ganê ma yê ke ma 1ê Gulane ya 1977î de vînî kerdî, ma xo vîr a nêkerdî û semedê persayîşê hesabî ma têkoşînî pîl kenê.''

Eşkerayîya DBPyî de zî nê ameyî vatene: ''Îqtîdarê AKP-MHPyî ke pê tanqan û topan vera şarê kurdî şer rayra beno, vera xoverdayîşê kedkar û karkeran zî pê cop û bombayanê gazî hêriş keno. Seba ke emrê xo bikerê destê înan ra çi yeno kenê. Îqtîdar û paştgêrê ci mîyanê refahî de yê bi mîlyonan kesî zî tengayî ancenê. Ma do bi pîlkerdişê têkoşînî peynîya îqtîdarê yew merdimî bîyarê. Ma 1ê Gulane roja kede û paştdayîşê pîroz kenê û hêvî rêxistin kenê.''