Newroza Frankfurtî rixmê varayîşê zêdeyî zî bi beşdarîya bi des hezaran kesan ameye fîrazkerdene. Newroza ke efsaneya xoverdayîş û azadîye yê kurdan a, vera înkar û îmha bîye sembola waştişê azadîye.

Newroza 2024î de nê mesajî şayîyan de ameyî dayene:

-Şayîyan de ancî gerîlayê azadîye yê Kurdîstanî û Rayberê Şarê Kurdî Abdullah Ocalan sey îradeyê kurdan ameyî pênasekerdene. Waştişê azadîya Abdullah Ocalanî Vakur û Rojawanê Kurdîstanî ra heta Tirkîya û Ewropa  meydanan de ameyî vatene.

-Pêro şayîyan de waştişo esas eşkera bi; Rayberê Şarê Kurdî rê azadîye û Kurdîstanî rê statu.

-Şarê kurdî ancî bi xurtî mojna ke Rayberîye û têkoşînê kurdan sey îradeyê xo vîneno. Şayîya Frankfurtî de qerardarîya têkoşînî û xoverdayîşî meydanan ra vila bîye. Kurdan pare kerd ke ê do qetî heqanê xo yê demokratîk û neteweyîyan ra fek vera nêdê.

-Newroze de xoverdayîşê tepişteyanê kurdan û dadîyanê înan rê zî paştî dîyaye.

-Îqtîdarê AKP-MHPyî enerjîya Newroze dîye û îlan kerd ke ê do weçînayîşan ra pey dest pê amadekarîya şerî bikerê. Kurdan Newroze de cewab da nê amadekarîyan.

Newroza Frankfurtî de zî bi taybetî nê mesajî dîyayî:

-Girse wayîrê îrade û qerardarîya şayîyanê Newroze yê Kurdîstanî vejîya.

-Girseyî qerardarîya xo ya seba azadîya Ocalanî eşkera kerde.

-Performansê gerîlayan moral û coşî da şayîyan.