Kênaya Mûsa Anterî Rahşan Anter xeyma tehzîye ya Denîze Poyraz zîyaret kerde û dayîka Rahşane Demîrel zî mesajê serweşîye şawit.

Rahşane Anter kitabê Mûsa Anterî yo îmzakede zî da keyeyî. Kitab de wina amebi nuştene: ''Kênaya min a sînayeye Fehîme meleka ma Denîze binê pelanê Apê Mûsa Anterî de ya.''

Rahşane Anter nê vatî: ''Çi heyf ke mergî ma resnenê pê. Werrikna Denîze tîya de bîyêne la Denîze pîya bi ma binê pelanê Apê Mûsayî de ya. Têna teselîyê mi no yo. Ma Denîza xo zî şawite cayê Apê Mûsayî. Miqatê xo bê. No têkoşîn do nêqedîyo. Gama ke ez ameya dinya estbi. Nika ez 73 serrîya hema zî esto. Ma do pêro biresê waştişanê xo, biresê ziwan û welatê xo. Ez sekewtiş û haştîye wazena. Zaf çî esto ke ma vajê la zerrîya ma vêşena.''

Antere nêeşkaye hesranê xo vindarnê. Anter û dayîke Fehîme Poyraz virar şîye yewbînan ra.

Dayîka Rahşane Demîrela ke 21ê Adara 1992î de Kadifekale de çalakîya fedayîye kerde,aye  zî keyeyê Poyrazî rê mesajê serweşîye şawit. Dayîke Emîne Demîrel mesajê xo de nê vatî: ''Gama ke mi vat ma do sereyê bedênê Rahşane yo ke bîyo Newroze de 'xover bidê' nê vatişê mi welat zimna. Nika 30 serrî dima ra reyna dayîka kurde Kadîfekale ra qîrena vana 'ma do merijîyê' û heme zerrîyî pê nê vatişî recifyenê. Zeman sey çemêkî biherikîyo zî tewirê dayîkan ê kurdan sey xo yo. No tewir do kelayanê zulmî birijno.''