Meclîsê Cinîyan ê Partîya Demokratîke ya Şaran (HDP) fotografê Denîze Poyraza ke hêrişê vera HDPyî de ameye qetilkerdene Sûranê Amedî de daliqna. Fotografê girdî ser o Denîze Poyraz bêmerg a nuşteyo.

Parlamenterê HDPyî Remzîye Tosun, Dîlane Dîrayet Taşdeîr û Sevîne Coşkun, aktîvîstê TJA û endamê Komeleya Cinîyan a Rosa tewrê Aktîvîte bîyî.

Polîsan verî destûr nêda cinîyî pankarto ke fotografê Denîze ser o yo bidaliqnê. La cinîyan peyser game nêeşte û tewr peynî daliqna. Cinîyan badê daliqnayîşê fotografî nîşanê serekewtiş kerd û dima ra eşkerayîyêke daye. Dîlan Dîreyet Taşdemîra ke bi nameyê cinîyan qisey kerd vat: ''Ma do têkoşînê cinîyan her ca de vila bikerê. Ma do semedê vînayîş û cezakerdişê qetilkaranê Denîze têkoşîn bikerê.'' Cinîyan pê slogana Ma nêtersenê hesab persenê çalakîye qedînaye.