Seba ke tecrîdê serê Rayberê Şarê Kurdî Abdullah Ocalanî bêro wedaritene Amed, Wan, Mersin û Adana de serkêşîya Komeleya Hetkarîya bi Keyeyanê Tepişteyan (TUAY-DER) de Nobeta Edaletî dîyaye destpêkerdene.

Amed de çalakîya nobete ya ke bi şîarê ''Seba edaletî ma tecrîdî bişiknê, seba haştîya komelkîye ma bibê vengê zîndanan'' banê HEDEPî yê Rêzanî de yena kerdene roja 5. de ya. Nobeta ke pankartê sey  “Ji dayikên lehengan, hezar silav ji bo zindanan. Em ê bi hêza xwe tecrîdê bişkînin û jiyana azad ava bikin” ameyî daliqnayene, hetê îdarekaranê MED TUHAD-FED), DBP, HEDEPî ra ameye zîyaretkerden.. Dayîkî nobete de sey dîyarîya serrneweyî Abdullah Ocalanî rê findoli virazenî. Dayîkan waşt wa dîyarîya înan bireso Abdullah Ocalanî û zulmê vera kurdan biqedîyo.

Mersin de zî Wekîlê HEDEPî Ali Bozan û xeylêk kesî tewrê nobete bîyî. Hemserekê Çukurova TUAY-DERî Ergin Altuntaşî mesajê tepişteyanê ke Zîndanê Antalya de grevê vêşanîye de wend. Mesajê tepişteyan de ame vatene ke heta azadîya Rayberê Şarê Kurdî Abdullah Ocalanî do çalakîyî dewam bikerê.

Wan û Adana de zî çalakîya nobete dewam kena. Çalakwanan vat semedê azadîya Abdullah Ocalanî û tepişeyanê sîyasîyan xoverdayîşê înan do dewam bikero.