Tepişteyanê dewaya PKK û PAJKî 27ê teşrîna peyêne de vera tecrîdê Îmraliyî grevê vêşanîye dabi destpêkerdene. Komeleya Hetkarîya bi Keyeyanê Tepişteyan (TUAY-DER) vera tecrîdkerdişê Rayberê Şarê Kurdî Abdullah Ocalanî û seba destekê grevê vêşanîyeAmed de dest pê Nobeta Edaletî kerd.

Çalakîya nobete bi şîarê ''Seba edaletî ma tecrîdî bişiknê, seba haştîya komelkîye ma bibê vengê zîndanan'' yena kerdene. Derheqê çalakîya nobete de Şubeyê Amedî yê TUAY-DERî de eşkerayîye dîyaye.

Hemserekê MED TUHAD-FEDî Kerem Canpolatî vera astengkerdişê polîsan nêrazîbîyayîşê xo mojna. Dima Canpolatî ard ziwan ke Rayberê Şarê Kurdî ra 33 mengî yo xeberêke nêna girewtene û vat: ''Tepişteyan vera tecrîdî dest pê grevê vêşanîye kerd. Ma wazenê bi nobeta xo vengê tepişteyan bidê eşnawitene. Sebebê pêro krîzan tecrîdê Îmraliyî yo. Birêz Ocalanî vatbi 'Ez eşkena mîyanê hewteyêkî de şerê Tirkîya vindarna.' Ma do dezgehan reyde dest pê nobete bikerê. 3 rojan yew koma nobete do bivurîya.'' 

Eşkerayîye bi sloganê ''Bijî berxwedana Îmraliyê" û "Bijî berxwedana zindanan" qedîyaye û nobete dest pêkerd.

Reyna Mersin û Adana de zî hetê TUAY-DERî ra vera tecrîdê Îmraliyî Nobeta Edaletî dîyaye destpêkerdene.