Koordînasyonê KJKyî bi eşkerayîyêke Fermandare Leyla Sorxwîn yad kerde. Eşkerayîye wina ya:

''Mîyanê têkoşînê ma yê azadîye de raştîya şehîdanê ma bîya raştîya serkewtişî. Şehîdanê ma bedelê pîlî dayî, verê şorişê cinîyan û şorişê Kurdîstanî akerd. Xûlasa şehîdan rayîrê şorişî de astengîyî pê destê xo akerdî.

Endama Konseya Leşkerî ya HPG-YJA-Starî, Endama Meclîsê PAJK û PKKyî embaze Leyla Sorxwîna ke çelê de herêma Besta de operasyonê hêzanê qirkeran ê AKP-MHPyî de şehîd bîya têkoşînê xo yê 31 serrî de bîye înan ra yewe ke rayîrê şorişî roşnî kerd, gan da şorişî. Embaze Leyla sey şerwanêka Botanî dest pê têkoşînî kerd û Botan de sey fermandarêka serkêşe tewra karwanê şehîdan bîye. Sey eşiqêka Botanî a şîya kamca zî peynî de agêraye Botanî. Aye Azîme, Sorxwîn, Nûda, Delal, Azêyan de embazîye kerde, meşaleya înan a xoverdayîşî seba Botanî tim berz kerde, reya hîrêyîne verê xo da Botanî. Aye mîyanê 30 serran de moral, kelecan, bawerî û qerardarîya xo kêm nêkerde, coşê xo tim pîl keerd û her cenetê koyanê Kurdîstanî de gêraye. Bi qiseyê Rayber Apoyî aye 'her ke şer kerd bîya rindêr, her ke rind bîye ameye heskerdene.' Aye cuya xo de tim îdeolojîya Rayber Apoyî kerde esas, na îdeolojî xo de newe ra afernaye. A bi azadîye dekerde bîye coka tim verê xo Rayber Apoyî. Embaze Leyla mîyanê 31 serran de qetî nêvat 'hende bes o' û bîye şerwanêka raştîye. Coka verarê aye tim pê rindîyan dekerde bi.

Ma zî sey embazanê aye yê têkoşînî şexsê Leyla de pêro şehîdanê şorişî bi rêz û minetî yad kenê. Ma ancî soz danê ke armancanê înan pê têkoşînê xo bi serkewtişî tacîdar bikerê.

Ma sere de keyeyê embaze Leyla yê ercîyayeyî rê, pêro şarê Amedî yê welatperwer, şarê Kurdîstanî yê welatperwer û hêzanê demokratan-şorişgêran rê serweşîye wazenê.  Domnayîşê tradîsyonê xoverdayîşê Leylayan, dewrgirewtişê meşaleya ke înan bi eşqî berz kerdbî, ameyoxî rê resnayîşê na meşale do bibê cewabo tewr xurt ê vera rejîmanê qirkeran.

Me venga pêro cinî û ciwanan danê ke têkoşînê embaze Leyla Sorxîn hîna pîl bikerê û cewabê tewr manadarî bidê dişmen û xayînan.''