Mehkemaya Heqanê Merdiman a Ewropa (MHME) qerarê serbestveradayîşê hemsereko verên ê HDPyî Selahattîn Demîrtaşî yo ke çarçiweya operasyonanê qirkerdişan ê sîyasîyan de Teşrîna peyên a 2016î ra nata tewqîfkerde yo, girewt.

MHMEyî da zanayene ke ê muracatê Demîrtaşî madeyê 18. yê ke heqan û azadîyan paweno yê Muqaweleyê Heqanê Merdiman ê Ewropa ra qebûl kenî. Qerar de ame vatene ke tewqîfkerdişê  Demîrtaşî goreyê qanûnê dewleta tirkî nîyo û ame waştene ke Demîrtaş wa serbest bêro veradayene.

Dadgeranê MHMEyî reyna ca da qiseykerdişanê Demîrtaşî yê çalakîyanê paştdayîşê Kobanê yê ke 2014 de wextê xoverdayîşê Kobanê de ameyî viraştene û ard ziwan ke nê qiseykerdişan de sucêk çîn o.

MHMEyî waşt ke Demîrtaş serbest bêro veradayene û cezaya tazmînatî ya 10 hezarî Euro da dewleta tirkî. Reyna semedê mehkema û çîyanê bînan zî Tirkîya ganî cazaya 15 hezarî Euro bido.