Veysî Aktaşo ke Rayberê Şarê Kurdî Abdullah Ocalanî reyde 40 mengî yo tira xebere nêna girewtene, 2016 de muracatê Mehkemeya Heqanê Merdiman a Ewropa (MHME) kerdbî. 

Muracat de avûkatanê Aktaşî seba ke kitabê Rayberê Şarê Kurdî Abdullah Ocalanî nêdîyayê muwekîlê nînan gerreyê Tirkîya kerdbî. MHME bira xo ya serê muracatî eşkera kerde.

Goreyê xebera Ajansê Mezopotamya MHME seba ke 'azadîya îfadeyan binpay kerda' Tirkîya mehkum kerde. MHME bire daye ke Tirkîya hezar euro tazmînat bida.

Kopyaya kitabê Ocalanî 'Çareserîya Medenîyetê Demokratîkî' erşawîyabî Aktaşî la Mudirîya Zîndanê Îmraliyî dest nabî kopya ser.

Buroyê Huqûqî yê Asrinî derheqê babete de 6ê kanûna 2016î de muracatê Mehkemeya Heqanê Merdiman a Ewropa kerdbî.