MHME, seba ke Mahkemeya Tirkîya madeyo 10’in ê Peymana Heqanê Merdiman ê Ewropa binpay kerda mehkum kerde û ci rê cezaya pereyan birnaye.

MHME’yî qerarê xo de wina va: ”Qet muhtewaya nuşteyan de nêameyo nîyadayene û bi hawayê sîstematîkî rojname ameyo arêdayene, ci rê sansur ameyo kerdene û ci rê cezayî ameyê birnayene.”

Serranê 2004- 2006’î de beyanatê ke hetê PKK’yî ra amebî dayene rojnameyî de amebî weşênayene û Tirkîya naye ser derheqê rojnameyî de tehqîqat dabi destpêkerdene. La MHME qerar da ci ke Tirkîya bi hawayê keyfîyî têgêraya û rojnameyê Ulkede Ozgur Gundemî rê tehqîqat dayo destpêkerdene. MHME hukim da ci ke dewleta Tirkî bi hawayê sîstematîkî şîya rojnameyê Ulkede Ozgur Gundemî ser, qerar da ci ke Tirkîya ganî tazmînat bido wayîrê ci Alî Gurbuzî.