MHME’yî qerarê xo yê muracato ke derheqê Heskîfî de 13 serrî cuwa ver amebi kerdene, da.  Muracato ke bi nameyê panc kesan amebi kerdene de amebi vatêne ke projeyê Awbendê Ilisûye merkezê arkeolojîkî yê Heskîfî tehdît keno.

Mahkemeyî qerarê xo yo peyênî de îddîa kerd ke muracat destdayîyê madeyanê 35 §§ 3 a û 4. yê Peymannameya Heqanê Merdiman a Ewropa nîyo. Mahkeme îdîa kerd ke konsesusanê Ewropa de heqêko şexsî yê sewîyeya globale de pawitişî mîrasêk kulturkî bikero çin o.

Muracat hetê di profesoran, arkeolog-mîmarêk, rojnamegerêk û avûkatêk ra amebi kerdene. Muracatkerdoxan mahkemeyî ra waştîbî ke seba Heskîf binê awe de nêmano tedbîranê vergirewtişan bigêrê.

Reyna ame zanayene ke proje zerarêko giran serê dorûverî de keno ke agêrayîşê ci çin o. Mahkemeyo ke hewt dadgerî tede ca gênê, qerar da ke muracat “nêno qebulkerdene”.

Muracatê MHME’yî de serra 2006 de amebi kerdene. Herême de 516 bajarê tarîxî estê. Bi projeyê Awbendê Ilisûye nê heme bajari binê awe de do bimanê. Hukmatê Tirkî bi rengêkî fermî serra 2006 de dest bi viraştişê awbendî kerdibi. Proje zerarêko gird dano herême, xoza û kulturî.