Temsîlkara Polîtîkayanê Ewlehîyan ê Teberî ya Berzî ya Yewîya Ewropa Federîca Mogherînî cewab da mektuba ke parlamentera Sînn Feînî ya Parlamentoyê Ewropa Martîna Andersone ya ke derheqê Leyla Guvene de nuşta.
Parlamenteranê Parlamentoyê Ewropa yê Sînn Feînî ra Martîna Andersone, derheqê Leyla Guvene ya ke 115 rojîyo ke grevê vêşanîye de ya de yew mektube nuşte û Temsîlkara Polîtîkayanê Ewlehîyan ê Teberî ya Berzî ya Yewîya Ewropa Federîca Mogherînî zî cewab da mektube.
“Hemmeslega min a hêcaye,
Mektuba ke to derheqê tecrîdê serê Abdullah Ocalanî û rewşa Leyla Guvene de nuşnaya, kewtê mi dest û seba ke to na mektube erşawita ez spas kena.
Rewşa weşîya Leyla Guvene ameya hesibnayene û hepisxane ra ameya vetene û no zî hawayêko pozîtîf o. Ma do no derheq de qewimîyayîşan nêzdî ra teqîb bikerê û problem û talebanê Leyla Guvene û çalakwananê binan, têkiliyanê xo yê Tirkîya de û dîyaloganê xo yê rî bi rî de biyarê rojdem. Ma beyanatê YE’yî, Konseya Daîmîye ya AGÎT’î de da. Ma waşt ke îdarekarê Tirkîya, seba selamete Leyla Guvene tê bigêro û gaman bierzo.
Tirkîya endama YE’yî ya û ronayoxanê Konseya Ewropa ra yew a. YE wazena ke Tirkîya, parlamentere ke hepisxane de yê serbest raverdo û bi pêşnîyazîyê Komîsyonê Venedîkî û AIHM’î destpironêginayîya parlamenteran newe ra aktif bikero û demokrasîyê parlamenteri newe ra bişuxulno.
YE, wazena ke wa başûrrojakewtena Tirkîya de prosesê haştîye ganî bi bingeyê prosesê sîyasîyî bêro awankerdene û no derheq de wayîrê bawerîye ya. Seba ke Tirkîya agêro prosesê haştîye, çi dest ra bêro YE do bikero û amade ya.”
