Muracatê keyeyan reyna ame redkerdene

Muracatê pêvînayîşî yê keyeyê Rayberê Şarê Kurdî Abdullah Ocalanî û hîrê keyeyanê tepişteyanê bînan ê ke Îmrali de yê ke Serdozgerîya Komare ya Bûrsayî rê amebi kerdene ame redkerdene.

Birayê Rayberê Şarê Kurdî Abdullah Ocalanî Mehmet Ocalanî û warisê ci Mazlûm Dînçî seba ke bieşkê şirê Îmrali vizêr bi rayîrê avûkatan muracatê Serdozgerîya Komare ya Bûrsayî kerd, la waştiş ame redkerdene.

Muracato ke hetê birayê Hamîlî Yildirimî Polat Yildirim, birayê Omer Hayrî Konar Alî Konarî û waya Veysel Aktaşî Sabîha Aslane ra amebi kerdene zî ame redkerdene.

Sebebê redkerdişê muracatan ê hetê dozgerîye zî madeyê “sînorkerdişê derheqê tewqîfkerdeyan de” yê “Qanûnê bi Hûmara 5275î yê Derheqê Înfazê Tedbîranê Ceza û Asayîşî” ame ramotene.