Vizêr birayê Rayberê Şarê Kurdî Abdullah Ocalanî Mehmet Ocalanî, waya ci Fartma Ocalane û warisê ci Mazlûm Dînçî seba ke bieşkê şirê Îmrali bi rayîrê avûkatan muracatê Serdozgerîya Komare ya Bûrsayî kerd, la waştişê înan ame redkerdene.

Muracato ke hetê birayê Hamîlî Yildirimî Polat Yildirim, birayê Omer Hayrî Konarî Alî Konarî û waya Veysel Aktaşî Sabîha Aslane ra amebi kerdene zî nêame qebûlkerdene.

Sebebê redkerdişê muracatan ê hetê dozgerîye zî madeyê “sînorkerdişê derheqê tewqîfkerdeyan de” yê “Qanûnê bi Hûmara 5275î yê Derheqê Înfazê Tedbîranê Ceza û Asayîşî” ame ramotene.