Qezayanê Artuklu, Nisêbîn û Qoserî yê Mêrdînî de saetanê serê sibayî de operasyonê polîsan de rojnamegere Oznure Deger û Zîynete Algan, Lokman Aslan, Mîthat Yilmaz û Hîlat Çelîk bi derbkerdişî ameyî destbendkerdene û ameyî berdene Mudirîya Polîsan a Bajarî.

Dozgerîye de Mîthat Yilmaz û Lokman Aslan serbest ameyî veradayene. Zîynet Algan û Hîlat Çelik zî bi şertê kontrolê edlîyî serbest ameyî veradayene.

Oznure Degera ke bi sûcdarîya parekerdişê medyaya sanale  Dozgerîya Ceza Sulhî rê ameye sewqkerdene, badê persayîşê dadgerîye ameye tepiştene. Oznure Deger gama ke mehkeme ra vejîyayî slogana ''Çew nêeşkeno çapemenîya azade bêveng bikero'' vate, polîsan fekê aye qefilna.