Namzeda Dêrsimî ya cinîye zelal bîye
Bîrsene Orhan sey namzeda hemşaredarîya Dêrsimî ya DEM Partî ameye weçînayene. Hemşaredaro bîn do roja yewşemeyî tûrê diyînî de bêro zelalkerdene.
Dêrsim de raydayîşê şarî yê DEM Partî yê semedê bewlîkerdişê namzedanê şaredarî yê weçînayîşê cayîyî yê 31ê adare ame kerdene.
Netîceyê raydayîşê şaredarîya Dêrsimî yê Dem Partî ameyî eşkerakerdene. Tûrê verênî de 469 delegeyan semedê 3 cinî û 9 camêrdan ray şuxulnayî. Cinîyan ra Birsene Orhan bi 286 rayan 50+1î ravîyarte û bîye namzeda hemşaredarî.
Namzedanê camêrdan ra Cevdat Konat 122, Ugur Beycan Bayrakî zî 102 rayî girewtî û tûrê diyînî rê mendî. Raydayîşê tûrê diyînî do siba saete 10.00 de bêro kerdene.
