Meclîsê Şaristanî yê Kerkûkî Otêla Reşîdî ya Bexdadî de bi beşdarîya 9 endamanê meclîsî kombîyayîşê xo kerd. 

Netîceya kombîyayîşî de namzedê YNKyî Rêbwar Tahayo ke kurd o, hîrê rayê endamanê ereban, raya endamêkê xirîstîyanî û rayê 5 endamanê YNKyî girewtî û bi walîyê Kerkûkî yo newe.

2 endamê PDKyî, 1 endamê Cepheyê Tirkmenan û endamê bînî yê erebî tewrê kombîyayîşî nêbîyî. Nê endamî çarçewa planê dewleta tirke de, sba ke Walîyê Kerkûkî kurd nêbı tewrê kombîyayîşî nêbîyî.

PDKyî û endamanê Cepheyê Tirkmenan plan kerdêne ke wezîfeya Walîtîya Kerkûkî mabênê xo de pare bikerê. Cepheyê Tirkmenan bi hawayêkê fermîyî dabi zanayene ke nê esasî ser o nînan PDK de îtîfaq kerdo.